Skip to main content Start of content

FAAE Committee Related Document

If you have any questions or comments regarding the accessibility of this publication, please contact us at accessible@parl.gc.ca.


HOC_crest




ᑲᓇᑕᒥ ᐱᕙᓪᓕᐊᑎᑦᑎᓂᖅ ᓄᓈᓗᖕᒥᓃᔅᓱᓂ, ᐅᖓᑖᓄᑦ ᓇᐅᑦᑎᖅᑐᐃᕙᓪᓕᐊᓂᖏᓐᓄᑦ:  ᐸᕐᓇᐸᓪᓕᐊᓂᖅ  ᖁᓕᐅᓈᖅᑎᖅᓯᒪᓂᐊᖅᑐᓄᑦ ᐊᕐᕋᒍᒐᓴᐅᓂᐊᓕᖅᑐᓄᑦ ᐅᑭᐅᖅᑕᖅᑐᒥ

ᐅᓂᒃᑳᓕᐊᑦ ᑲᑎᒪᔨᕋᓛᓂᒃ ᑲᓇᑕᐅᑉ ᓯᓚᑖᓄᑦ ᓄᓇᕐᔪᐊᕐᒥᓗ ᐱᕙᓪᓕᐊᔪᓕᕆᓂᕐᒧᑦ

ᒪᐃᑯᓪ ᓕᐊᕕᑦ
ᐃᒃᓯᕙᐅᑕᖅ

ᐄᐳ 2019
42-ᒋᔭᐅᔪᓂᒃ ᒪᓕᒐᓕᐅᖅᑎᐅᓕᖅᑐᓂᒃ, ᓯᕗᓪᓕᕐᒥᒃ ᑲᑎᒪᓂᖏᓐᓂ

ᑕᒪᕐᒥᒃ ᑎᑎᕋᖅᓯᒪᓂᖏᑦ ᑖᒃᑯᐊ ᐅᓂᒃᑲᓕᐊᑦ ᐱᑕᖃᖅᐳᑦ ᖃᓪᓗᓈᑎᑐᑦ ᐅᐃᕖᖅᑎᑐᓪᓗ ᑲᑎᒪᔨᕋᓚᑦ ᑖᒃᑯᐊ website ᖃᕆᑕᐅᔭᒃᑯᑦ ᑕᑯᓂᐊᖅᑕᐅᕝᕕᖓᓂ, ᐅᕝᕙᓗᓐᓃᑦ ᐅᖃᕐᕕᐅᓗᓂ ᑎᑎᕋᖅᑎᖓᑦ ᑲᑎᒪᔨᕋᓚᓄᑦ ᐅᕙᓂ ᑐᕌᕈᑎᒥ  FAAE@parl.gc.ca ᐅᖄᓚᕕᐅᓗᓂᓗᓐᓃᑦ ᐅᕙᓂ (613) 996-1540.

ᑲᑎᒪᔨᕋᓛᑦ ᑲᓇᑕᐅᑉ ᓯᓚᑖᓅᑦ ᐊᒻᒪᓗ ᓄᓇᕐᔪᐊᕐᒥ ᐱᕙᓪᓕᐊᔪᓕᕆᓂᕐᒧᑦ

ᐃᒃᓯᕙᐅᑕᖅ

ᒪᐃᑯᓪ ᓕᐊᕕᑦ

ᐃᒃᓯᕙᐅᑕᕐᒧᑦ ᑐᒡᓕᕆᔭᐅᔫᒃ

ᓂᕈᐊᖅᑕᐅᓯᒪᔪᖅ ᐃᐅᕆᓐ ᐅ’’ᑑᓪ

ᕼᐃᐊᓖᓐ ᓚᕗᕐᑎᐊᐃᕐ

ᑲᑎᒪᔨᖏᑦ

ᓯᐋᑦ ᐊᐳᑕᐃᕝ

ᓕᐅᓇ ᐊᓕᐊᔅᓕ

ᕗᕚᖕᒃ ᐸᐃᓕᔅ

ᐹᒥᓚ ᒍᓗᓯᒥᑦ-ᔾᔫᓐᔅ (ᒪᓕᒐᓕᐅᕐᕕᖕᒧᑦ ᑎᑎᕋᖅᑎ - ᓂᕈᐊᕈᓐᓇᕋᓂ ᑲᑎᒪᔨ)

ᑲᒫᓪ ᑭᐅᕆ (ᒪᓕᒐᓕᐅᕐᕕᖕᒧᑦ ᑎᑎᕋᖅᑎ - ᓂᕈᐊᕈᓐᓇᕋᓂ ᑲᑎᒪᔨ)

ᓂᕈᐊᖅᑕᐅᓯᒪᔪᖅ ᐊᓄᓘ ᓕᐊᔅᓕ (ᒪᓕᒐᓕᐅᕐᕕᖕᒧᑦ ᑎᑎᕋᖅᑎ - ᓂᕈᐊᕈᓐᓇᕋᓂ ᑲᑎᒪᔨ)

ᕌᔾᔾ ᓴᐃᓂ

ᔾᔮᑎ ᓯᑦᕼᐆ

ᐊᓃᑕ ᕚᓐᑎᓐᐱᐊᓪᑦ

ᐳᐊᕆᔅ ᐅᐊᓯᔅᓂᐅᔅᑲᐃᔨ

ᐃᓚᖏᑦ ᒪᓕᒐᓕᐅᖅᑎᑦ ᐃᓚᒋᔭᐅᓚᐅᖅᑐᑦ

ᕚᓐᔅ ᐸᑕᐅᐄ

ᑖᓂᐅᓪ ᑉᓚᐃᑭ 

ᐲᑕ ᕙᓐᓰᑲ

ᒐᕐᓂᐊᑦ ᔾᔩᓂᐊᔅ 

ᓂᕈᐊᖅᑕᐅᓯᒪᔪᖅ

ᕌᐳᑦ ᑎ. ᓇᓪᑦ

ᕌᐳᑦ-ᕚᓪᑲᓐ ᐅᐃᓕᐊᑦ

ᑉᓖᒃ ᕆᑦᓱᑦᔅ

ᑲᑎᒪᔨᕋᓛᑦ ᑎᑎᕋᖅᑎᖓᑦ

ᐃᐅᕆᑲ ᐱᕆᐅᕋ

ᒪᓕᒐᓕᕐᕕᖕᒥ ᐅᖃᓕᒪᒐᖃᕐᕕᒃ

ᒪᓕᒐᓕᐅᕐᕕᖕᒥ ᑐᑭᓯᓂᐊᕐᕕᐅᓲᖅ ᐊᒻᒪᓗ ᖃᐅᔨᓴᖅᑕᐅᔪᓂᒃ ᐱᔨᑦᑎᕋᐃᕕᒃ

ᐋᓕᓴᓐ ᒍᑎ, ᑐᑭᓕᐅᖅᑎ

ᐳᕋᐃᔭᓐ ᕼᐅᕐᒪᓐ, ᑐᑭᓕᐅᖅᑎ

 ᔅᑳᑦ ᒪᒃᑕᒍᑦ, ᑐᑭᓕᐅᖅᑎ

ᓇᐃᓈᖅᑕᐅᓯᒪᔪᑦ

 

ᑲᓇᑕᒥ ᒪᓕᒐᓕᐅᕐᕕᖕᒥ ᑲᑎᒪᔨᕋᓛᖏᑦ ᑲᓇᑕᐅᑉ ᓯᓚᑖᓅᑦ ᐊᒻᒪᓗ ᓄᓇᕐᔪᐊᕐᒥ ᐱᕙᓪᓕᐊᔪᓕᕆᓂᕐᒧᑦ ᖃᐅᔨᓴᐃᓚᐅᕐᒪᑕ ᐃᓚᖓᓂᒃ ᑲᓇᑕᐅᑉ ᐊᕕᒃᑐᖅᓯᒪᓂᖓᓂᒃ ᓄᓇᕐᔪᐊᕐᒥᓂ, ᐊᓯᔾᔨᖅᐸᓪᓕᐊᔪᒪᕆᐊᓘᓕᖅᑐᓂᒃ ᐃᓚᖏᓐᓂᒃ. ᑕᕆᐅᕐᒥ ᓯᑰᓂᐊᓗᐊ ᓯᕐᒥᐅᓂᐊᓗᐊ ᐅᓕᒃᓯᓯᒪᕙᓚᐅᕋᓗᐊᕐᒪᑦ ᑕᒪᐃᓂᑲᓴᒃ ᐅᑭᐅᖅᑕᖅᑐᓃᓕᒪᒥᒃ, ᒥᑭᒡᓕᕙᓪᓕᐊᓕᕐᒪᑦ ᓱᕋᒃᑎᖅᐸᓪᓕᐊᓪᓗᓂ ᓯᑯᐊᓗᐊ. ᐊᑯᓂᐅᓂᐊᖅᑐᒧᑦ ᖃᓄᐃᓕᕙᓪᓕᐊᓂᖓᓄᑦ ᐱᔾᔪᑕᐅᓂᐊᖅᑐᖅ ᐅᒥᐊᕐᔪᐊᒃᑰᕐᕕᐅᓂᖅᓴᐅᖃᑦᑕᕈᓐᓇᖅᓯᓂᕐᒧᑦ. ᑕᒪᓐᓇ ᐱᒻᒪᕆᐊᓗᖕᒥᒃ ᐊᒥᓱᓄᑦ ᑲᒪᒋᔭᐅᕙᓪᓕᐊᓕᕐᒪᑦ ᐊᑐᖅᑕᐅᔪᓐᓇᕐᓂᖓ ᐅᑭᐅᖅᑕᖅᑐᒥ ᑕᕆᐅᒃᑯᑦ ᐅᓯᕕᐅᔪᓐᓇᕐᓂᖅ ᐅᒥᐊᕐᔪᐊᒃᑯᑦ ᐃᖏᕐᕋᓗᑎᒃ, ᑕᐅᕗᖓᓗ ᐃᓚᖓᓄᑦ ᐊᑐᖅᑕᐅᔪᒻᒪᕐᔪᐊᖅᓯᒪᓗᓂ ᓄᓇᓕᖕᓄᑦ ᑦᓴᐃᓇᒥ.

ᐊᓯᔾᔨᖅᐸᓪᓕᐊᓂᖓ ᐊᕕᒃᑐᖅᓯᒪᓂᖓᓂ ᑕᕆᐅᒃᑯᑦ ᓯᑯᒃᑯᑦ ᑲᔪᓯᕗᖅ ᐊᑕᐅᑎᒃᑯᑦ ᓄᓇᕐᔪᐊᕐᒥ ᐅᓗᕆᐊᓇᖅᑐᖃᕆᐊᖃᖏᓂᕐᒧᑦ ᐊᕙᑎᓕᕆᓂᕐᒧᑦ ᓇᖏᐊᕐᓇᕈᑕᐅᕙᓪᓕᐊᓂᖓᓄᑦ ᐱᕙᓪᓕᐊᓂᖅ. ᕌᓯᐊᒥ ᓴᓇᕙᓪᓕᐊᓕᕐᒪᑕ ᓄᑖᕈᕆᐊᖅᑎᕆᓪᓗᑎᒃ ᐅᓇᖅᑕᖅᑐᒃᓴᖓᑕ ᐊᑐᒐᒃᓴᖏᓐᓂᒃ, ᑕᑯᒃᓴᐅᑎᑦᑎᖃᑦᑕᖅᓯᒪᓪᓗᑎᒡᓗ ᒪᓕᒃᑕᐃᓕᒪᔪᓐᓇᕐᓂᕐᒥᓂᒃ ᓄᓇᕐᔪᐊᕐᓕᒫᒧᑦ ᒪᓕᒐᕐᔪᐊᕆᔭᐅᔪᓂᒃ ᐋᕿᐅᒪᔭᕆᐊᖃᖅᑎᑕᐅᓂᖏᓐᓄᑦ ᓄᓇᖅᑲᑎᒌᖏᑦᑐᑦ. ᐃᒻᒪᖄ, ᖁᐊᖅᓵᕐᓇᕐᓂᖅᐹᖑᕗᖅ, ᓄᑖᓂᒃ ᖄᖅᑕᔫᖃᓕᖅᑎᓪᓗᒋᑦ ᐊᐅᓚᑕᐅᔪᓐᓇᖅᑐᓂᒃ, ᕌᓯᐊᒥᐅᑦ ᖃᖓᑕᓲᖁᑎᒋᔭᖏᑦ ᐊᒻᒪᓗ ᐊᖅᑲᐅᒪᔫᖁᑎᖏᑦ ᐅᒥᐊᑦ ᒫᓐᓇᐅᓕᖅᑐᖅ ᑐᕌᖓᔪᓐᓇᖅᓯᒪᖕᒪᑕ ᐅᖓᓯᒃᑐᒻᒪᕆᐊᓘᖕᒥᒃ ᐱᒋᐊᖅᑎᑕᐅᔪᓐᓇᖅᓱᑎᒃ ᓯᓚᑕᓃᑦᑐᓂᒃ ᐱᒋᐊᖅᑎᑕᐅᔪᓐᓇᖅᑐᓂᒃ ᐊᒥᐊᓕᑲᐅᓪᓗ ᑲᓇᑕᐅᓪᓗ ᑲᑎᖓᓂᖓᓂ ᓄᓈᓗᐊᓂᒃ, ᓯᓚᒃᑯᑦ ᑕᕆᐅᒃᑯᓪᓗ. ᐱᑕᖃᕆᐊᖃᓕᖅᑐᖅ ᓄᖃᖓᑎᑦᑎᓇᓱᒍᑎᒃᓴᐃᑦ ᑕᒪᐃᓐᓂᒃ ᐊᒥᐊᓕᑲᒥᐅᓪᓗ ᑲᓇᑕᒥᐅᓪᓗ ᑕᐱᕇᖑᖕᓂᖏᓐᓂᒃ ᐊᑦᓛᓐᑎᒃᐸᓯᐅᑉ ᑕᕆᐅᕌᓗᐊᒍᑦ ᐊᑕᔪᑦ ᓄᓇᖃᑦᑎᒌᖏᑦᑐᓄᑦ ᑲᑐᔾᔨᖃᑎᒌᖑᓐᓂᖏᓐᓂᒃ. ᑕᐃᒃᑯᐊᑦᑕᐅᖅ ᐅᓇᑕᖅᑐᒃᓴᖏᓐᓄᑦ ᐱᖁᑎᖏᑦ ᐱᑐᖃᕈᖅᐸᓪᓕᐊᓯᒪᓪᓗᑎᒃ ᓄᓇᖁᑎᖏᓐᓂᒃ ᓴᐳᓐᓂᐊᕈᑎᑦ ᓄᑖᕈᕆᐊᖅᑕᐅᒃᑲᓐᓂᕆᐊᖃᖅᓱᑎᒃ.

ᑕᐃᒪᐃᒃᑲᓗᐊᖅᑎᓪᓗᒍᓗᓐᓃᑦ, ᖃᐅᔨᓴᕈᑎᒃᓴᖃᖅᑐᓂᒃ ᐊᒻᒪᓗ ᑐᑭᓯᓇᑦᑎᐊᕐᓂᐊᖅᑐᒥᒃ ᖃᓄᐃᓕᐅᕈᑎᒃᓴᐃᑦ ᐱᖃᓯᐅᔾᔨᓯᒪᖏᓚᑦ ᐱᔾᔪᑎᓪᓗᐊᑦᑎᐊᕋᔭᖅᑐᓂᒃ ᐅᑭᐅᖅᑕᖅᑑᓂᖓᓂᒃ ᓄᓇᖏᓐᓂᒃ.. ᐊᕕᒃᑐᖅᓯᒪᓂᐅᔪᖅ ᑕᒪᓐᓇ ᓄᓇᓕᒡᔪᐊᕐᓄᑦ ᐊᒥᐊᓕᑲᒥᐅᓄᑦ ᐊᓯᖏᓐᓄ ᑕᐱᕆᔭᐅᔪᓄᑦ ᓱᓕᔪᒥᒃ ᐅᖃᐅᑕᐅᖃᑦᑕᖅᓯᒪᓂᖏᓐᓂᒃ ᐱᓂᐊᕐᓂᖃᕐᓂᕐᒥᓂᒃ ᐅᓇᑕᕐᕕᐅᑎᑦᑎᑕᐃᓕᒪᓂᐊᕐᓂᖅ ᐊᒻᒪᓗ ᐱᓕᕆᖃᑎᒋᔭᐅᖃᑦᑕᕈᓐᓇᕐᓂᖏᓐᓂᒃ, ᐅᑭᐅᖅᑕᖅᑐᒥᐅᑦ ᐃᖕᒥᓃᓇᖅ ᑲᔪᓯᔪᓐᓇᖅᑎᑦᑎᓯᒪᔪᑦ ᓴᖏᔫᓂᕐᒥᒃ ᐊᑐᓕᖅᑎᑦᑎᑕᐃᓕᒪᐃᓐᓇᕐᓂᕐᒥᒃ ᑯᕕᓯᔪᖃᕋᔭᖅᐸᑦ ᐅᖅᓱᐊᓗᖕᒥᒃ ᓈᒻᒪᒋᔭᐅᔪᓃᕈᑕᑎᒋᓯᒪᔭᕋᓗᐊᖏᓐᓂᒃ, ᐊᓯᖏᓐᓄᑦ ᓄᓇᕐᔪᐊᓕᒡᔪᐊᕐᓄᑦ. ᐃᓱᒪᒋᓗᒋᑦ ᖃᐅᔨᓴᕈᓐᓇᕐᓂᕐᒥᒃ ᐱᕙᓪᓕᐊᔪᓐᓇᕐᓂᖏᑦ, ᑕᒪᒃᑯᐊ ᐊᑑᑎᖃᑦᑎᐊᖅᑐᑦ ᐱᓕᕆᖃᑎᒌᑦᑎᐊᕈᓇᕐᓂᖏᑦ ᑲᔪᓯᔭᕆᐊᖃᖅᐳᑦ, ᐊᔪᕐᓇᖏᓐᓂᓕᒫᖅ. ᑕᒪᓐᓇ ᐱᒻᒪᕆᐊᓗᖕᒥᒃ ᑲᓇᑕᒥᐅᑕᓄᑦ ᐱᐅᓯᖃᕐᕕᐅᔭᕆᐊᖃᖅᐳᖅ ᖃᐅᔨᓴᕐᓂᕐᒥᒃ ᐱᔾᔪᑎᖃᖅᑐᓂᒃ ᐱᑦᑎᐊᔪᓴᒍᑕᐅᔭᕆᐊᓕᒻᒪᕆᖕᒥᒃ.

ᐊᒥᓱᓂᒃ ᐊᑐᓕᖁᔭᓕᐅᖅᓯᒪᔪᖃᖅᐸᑦ ᑖᒃᑯᓇᓂ ᐅᓂᒃᑳᓕᐊᓂᒃ, ᐅᔾᔨᖅᑐᑦᑎᐊᕐᓂᖏᓐᓂ ᒐᕙᒪᒃᑯᑦ ᐃᓕᑕᕆᔭᐅᑎᑦᑎᓯᒪᔭᕆᐊᖃᕐᓂᖏᓐᓂᒃ ᒫᓐᓇᐅᓕᖅᑐᖅ ᓯᕗᓂᒃᓴᐅᓂᐊᖅᑐᒧᓪᓗ ᖁᓕᐅᓇᖅᑎᖅᓯᒪᓂᐊᖅᑐᓄᑦ ᐊᕐᕋᒍᓄᑦ ᐊᒡᒋᖅᐸᓪᓕᐊᓂᐊᖅᑐᓄᑦ ᓯᕗᓂᒃᓴᐅᓂᐊᖅᑐᒥ, ᑲᓇᑕᒥᐅᑕᑐᐊᑦᑎᐊᑦ ᐊᑐᑎᓕᒻᒪᕆᖕᓂᒡᓗ ᐊᐅᓚᑦᑎᔨᐅᓂᖏᓐᓂᒃ ᑲᓇᑕᐅᑉ ᐅᑭᐅᖅᑕᖅᑑᓂᖓᓂ ᐃᒪᖃᖁᑎᖏᓐᓂᒃ ᓄᓇᖁᑎᖏᓐᓂᒡᓗ ᐅᑭᐅᖅᑕᖅᑐᒥ, ᓄᓇᖁᑎᒋᔭᖏᓐᓂᒃ ᖃᐅᔨᒪᔭᐅᑎᑦᑎᓗᑎᒃ, ᒪᓕᒐᓪᓗᑐᖃᕐᓗᑎᒃ, ᐸᖅᑭᔨᐅᓂᖏᓐᓂᒃ, ᒪᓕᒐᖃᖅᑎᑦᑎᔨᐅᓂᖏᓐᓂᒃ, ᑕᒪᕐᒥᒃ ᑐᖓᕕᒃᓴᐅᓂᐊᖅᑐᓂᒃ ᐃᓚᖃᕐᓂᖏᓐᓂᒃ ᑲᓇᑕᒥᐅᑦ ᐅᑭᐅᖅᑕᖅᑐᒥ ᓄᓇᖁᑎᖏᓐᓂᒃ.

ᑲᓇᑕᐅᑉ ᐊᒃᓱᕈᕐᓇᖅᑐᒃᑰᕈᑎᒋᕙᒃᑕᖏᑦ ᐅᑭᐅᖅᑕᖅᑐᒥ ᐱᔾᔪᑎᖃᑐᐃᓐᓇᖏᑦᑐᑦ ᐅᓗᕆᐊᓇᖅᑐᖃᖅᑎᑦᑎᑕᐃᓕᒪᔭᕆᐊᖃᕐᓂᖏᓐᓂᒃ ᐊᒻᒪᓗ ᓴᐳᓐᓂᐊᖅᑕᐅᔪᓐᓇᕆᐊᖃᕐᓂᖓᓂᒃ ᑕᒃᐹᓂ. ᑲᓇᓕᑕᒫᒥᑦᑕᐅᖅ ᐱᔭᕆᐊᖃᒻᒪᕆᒃᑭᕗᑦ ᐱᐅᓯᕚᓪᓕᕈᑎᒃᓴᐅᔭᕆᐊᖃᖅᑐᓂᒃ ᓄᓇᓖᑦ ᓄᓇᖃᕐᕕᐅᒋᔭᖏᓐᓂ. ᑕᐃᒪᐃᑲᓗᐊᖅᑎᓪᓗᒍ, ᓱᓕ, ᑲᓇᑕᒥᐅᑦ ᐅᑭᐅᖅᑕᖅᑐᒥ ᓱᓕ ᐊᒃᓱᕈᕐᓇᖅᑐᒃᑰᖃᑦᑕᖅᐳᑦ ᐱᖁᑎᕐᔪᐊᖃᖅᑎᑕᐅᖏᓂᖏᓐᓄᑦ. ᑕᒪᒃᑯᐊ ᐊᖏᔪᐊᓘᕗᑦ ᐊᒥᓲᓂᖏᑦ ᐱᑕᖃᖏᑦᑐᑦ ᖃᐅᔨᒪᔭᐅᑦᑎᐊᕇᖅᑐᑦ. ᐱᖁᑎᕐᔪᐊᖃᖏᓂᖏᓐᓄᑦ ᑮᓇᐅᔭᓕᐅᕐᕈᑎᒃᓴᖃᓕᕈᓐᓇᖏᓚᑦ ᐱᕙᓪᓕᐊᔪᓐᓇᐅᑎᓂᒃ ᐅᑭᐅᖅᑕᖅᑐᓂᒃ, ᐃᓄᑑᔫᔮᕈᑕᐅᕙᒃᓱᑎᒃ, ᐃᓱᒪᒋᔭᐅᖏᓐᓂᕐᒥᒃ ᐃᒃᐱᖕᓂᐊᓗᑕᐅᕙᒃᑐᑦ ᐃᓄᖁᑎᖏᓐᓄᑦ ᐊᒻᒪᓗ ᐋᕿᐅᒪᑎᑦᑎᓂᖅ ᓱᓇᑐᐃᓐᓇᑦᑎᐊᕐᓂᒃ ᐊᑭᑐᓗᐊᕐᓂᖏᓐᓄᑦ ᐊᔪᕈᑕᐅᕙᒃᓱᑎᒃ. ᓂᕈᐊᕐᓂᖏᓐᓂᒃ ᖃᓄᖅᑑᕈᑎᖃᕈᒪᓂᖅ ᐃᓱᒪᓘᑕᐅᔪᓂᒃ ᐅᓂᒃᑲᓕᐊᕆᔭᐅᓯᒪᔪᓂᒃ ᑲᓇᑕᐅᑉ ᓯᓚᑖᓄᑦ ᑲᑎᒪᔨᕋᓛᖏᓐᓄᑦ, ᐊᑕᕗᑦ ᑕᒪᐃᓐᓄᑦ ᑕᐃᒃᑯᓄᖓ ᐱᓕᕆᐊᖑᕙᒃᑐᑦ ᐅᑭᐅᖅᑕᖅᑐᒥᐅᑕᓂ ᓄᓇᖃᖅᑐᑐᖃᐅᔪᓂ ᓴᖏᓂᖅᑖᕈᑎᒃᓴᓕᕆᔩᑦ ᐊᒻᒪᓗ ᐃᓕᑕᕆᔭᐅᑎᑦᑎᓂᖏᓐᓂᒃ ᐅᑭᐅᖅᑕᖅᑑᑉ ᓄᓇᖁᑎᒋᔭᐅᓂᖏᓐᓂᒃ ᑲᓇᑕᐅᑉ. ᑖᒃᑯᓇᓂ ᑕᐃᔭᐅᓂᖏᑦ ᐅᓂᒃᑲᓕᐊᖑᓯᒪᔪᑦ ᑐᑭᓯᓇᑦᑎᐊᖅᐳᑦ, ᐅᔾᔨᓱᑦᑎᐊᕆᐊᖃᓕᕐᓂᖏᓐᓂᒃ ᑲᓇᑕᒥᐅᑕᐅᖏᑦᑐᓂᒃ ᐊᒻᒪᓗ ᓴᐳᓐᓂᐊᖅᑕᐅᓯᒪᔭᕆᐊᖃᕐᓂᖏᓐᓄᒃ ᐊᑐᐊᒐᕆᔭᐅᔪᑦ, ᐃᖕᒥᒍᐃᓐᓇᖅ, ᓈᒻᒪᒍᓐᓃᕐᒪᑕ.  ᑕᒪᓐᓇ ᑕᐃᒪᐃᓕᖓᓂᖓᓄᑦ ᐃᓚᖃᕆᐊᖃᖅᐳᑦ ᓄᓇᓕᓕᐅᖅᓯᒪᑦᑎᐊᕆᐊᖃᕐᓂᖏᓐᓂᕐ ᓄᓇᖁᑎᒋᔭᖓᑕ ᐃᓗᐊᓃᑦᑐᓂᒃ, ᑐᑭᖃᖅᑐᓂᒃ ᐃᓚᒌᒎᑕᐅᓕᖅᓯᒪᓂᖏᓐᓄᑦ ᑐᖓᕕᐅᒐᒥᒃ ᓴᕿᑎᑦᑎᔪᒪᓂᖏᓐᓄᑦ ᐃᓚᒌᓕᕈᑕᐅᓚᐅᕐᓂᖏᓐᓄᑦ ᐱᔾᔪᑕᐅᒐᒥᒃ ᑕᒪᒃᑯᐊ.  

ᑎᑎᕋᖅᓯᒪᓂᖏᑦᐊᑐᓕᖁᔭᓕᐊᑦ

 

ᐅᖃᐅᓯᐅᖃᑕᕐᓂᖏᓐᓂ ᑲᑎᒻᒪᑕᐅᓂᖏᓐᓂᒃ ᒪᓕᒃᓱᑎᒃ, ᑲᑎᒪᔨᕋᓛᑦ ᐊᑐᓕᖁᔭᓕᐅᕈᓐᓇᖅᓯᓲᖑᖕᒪᑕ ᐃᓚᔭᐅᓯᒪᔪᓐᓇᖅᑐᓂᒃ ᐅᓂᒃᑲᓕᐊᖏᓐᓄᑦ ᐃᓱᒪᒃᓴᖅᓯᐅᕈᑎᒃᓴᐅᓪᓗᑎᒃ ᒪᓕᒐᓕᐅᕐᕕᖕᒥ ᑲᓇᑕᒧᑦ, ᒐᕙᒪᒃᑯᓄᓪᓗᓐᓃᑦ.  ᐊᑐᓕᖁᔭᖏᑦ ᐱᔾᔪᑎᖃᖅᑐᑦ ᑐᑭᓯᓂᐊᕈᑎᒋᓯᒪᔭᖏᓐᓂᒃ ᐊᑖᓂ ᑎᑎᕋᖅᓯᒪᓗᑎᒃ.

ᑐᑭᖃᑦᑎᐊᕐᓂᐊᖅᑐᓂᒃ ᐃᓚᒌᒃᓱᕈᓐᓇᕐᓂᖏᑦ ᓄᓇᖃᖅᑐᑐᖃᐅᔪᓂᒃ ᐃᓄᖕᓂᒃ ᐅᑭᐅᖅᑕᖅᑐᒥᓗ ᓄᓇᓕᖕᓂ

ᐊᑐᓕᖁᔭᖅ 10

ᑲᓇᑕᐅᑉ ᒐᕙᒪᐃᑦ ᓴᕿᑎᑦᑎᔭᕆᐊᖃᖅᑐᑦ ᐊᐅᓚᑦᑎᔨᐅᖃᑎᒌᒍᑎᒃᓴᖏᓐᓂᒃ ᑐᖓᕕᐅᓂᐊᖅᑐᓂᒃ ᑕᒪᒃᑯᓂᖓ ᑐᕋᖓᔪᓂᒃ ᐱᔾᔪᑎᖃᖅᑐᓂᒃ ᑲᓇᑕᒥᐅᑉ ᐅᑭᐅᖅᑕᖅᑐᓂᖓᑕ ᐃᒪᖁᑎᖏᓐᓂᒃ, ᐃᓄᐃᑦ ᓯᕗᓪᓕᐅᖅᑎᐅᓗᑎᒃ ᓴᓂᐊᓂ ᑲᓇᑕᐅᑉ ᒐᕙᒪᖏᓐᓂᒃ, ᑲᑎᖓᓗᑕᐅᓂᐊᖅᑐᓂᒃ ᑕᒪᐃᓐᓄᑦ ᒐᕙᒪᒃᑯᑦ ᐃᖃᓇᐃᔭᕐᕕᒡᒍᑎᖏᓐᓂᒃ ᑎᒥᖁᑎᖏᓐᓂᒡᓗ ᑕᐃᒪᓐᓂ ᑲᓇᑕᒧᑦ ᓄᓇᕗᒧᓪᓗ ᒐᕙᒪᐅᔪᓂᒃ ᑲᒪᔨᐅᓂᖏᓐᓂᒃ ᑲᓇᑕᐅᑉ ᐅᑭᐅᖅᑕᖅᑐᒥ ᐃᒪᖁᑎᖏᓐᓂᒃ, ᐊᒻᒪᓗ ᑕᐃᒃᑯᓂᖓ ᓄᓇᑖᕈᑎᓄᑦ ᑲᑐᔾᔨᖃᑎᒌᖏᓐᓂᒃ ᐊᒻᒪᓗ ᑕᐃᒃᑯᓂᖓ ᓄᓇᕗᒻᒥ ᑕᕆᐅᕐᓄᑦ ᑲᑎᒪᔨᓂᒃ.

ᐊᑐᓕᖁᔭᖅ 9

ᐊᑐᓕᖅᑎᓪᓗᒋᑦ ᑲᓇᑕᐅᑉ ᓯᒡᔭᖅᐸᓯᖓᓂ ᐊᐅᓚᑦᑎᔨᐅᓕᓵᕐᓂᖏᓐᓂᒃ ᐅᑭᐅᖅᑕᖅᑐᒥ, ᑲᓇᑕᐅᑉ ᒐᕙᒪᐃᑦ ᐱᓕᕆᕙᓪᓕᐊᔭᕆᐊᖃᖅᑐᑦ, ᐱᓕᖃᑎᖃᑦᑎᐊᕐᓗᑎᒃ ᐃᓄᐃᑦ ᑲᑐᔾᔨᖃᑎᒌᖏᓐᓂᒃ ᓄᓇᓕᖕᓂᒡᓗ, ᐃᓄᖕᓂᒃ ᑭᒡᒐᖅᑐᐃᔨᖃᑦᑎᐊᕐᓂᖅᓴᐅᓂᖅ ᑲᓇᑕᐅᑉ ᓯᒡᔭᖁᑎᖏᓐᓂᒃ ᓇᐅᑦᑎᖅᑐᐃᔨᐅᔪᓂᒃ ᐊᒻᒪᓗ ᐱᑕᖃᕐᓂᖅᓴᐅᓂᖏᓐᓂᒃ ᑕᒪᒃᑯᐊ ᓯᒡᔭᓕᕆᔨᑦ ᑲᓇᑕᐅᑉ ᐅᑭᐅᖅᑕᖅᑑᓂᖓᓂ.

ᐊᑐᓕᖁᔭᖅ 19

ᑲᓇᑕᐅᑉ ᒐᕙᒪᐃᑦ ᐱᓕᕆᖃᑎᖃᕆᐊᖃᖅᑐᑦ ᓄᓇᕗᒻᒥ, ᓄᓇᖃᖅᑐᑐᖃᐅᔪᓂᒃ ᓄᓇᓕᖕᓂᓗ ᒐᕙᒪᐅᔪᓂᒃ ᓴᕿᑎᑦᑎᓂᕐᒧᑦ ᓄᓇᓕᖕᓄᑦ ᐊᐅᓚᑕᐅᓗᑎᒃ ᖃᓄᖅᑑᕈᑕᐅᓂᐊᖅᑐᓂᒃ ᐊᒃᓱᕈᕐᓇᕐᓂᖏᓐᓄᑦ ᓴᓗᒪᓂᐊᖅᑐᓂᒃ, ᑐᖓᕕᐅᔪᓐᓇᖅᑐᓂᒃ, ᐊᒻᒪᓗ ᐊᑭᑐᖏᑦᑐᓂᒃ ᐆᒻᒪᖁᑎᒃᓴᓂᒍᑎᒃᓴᐅᔪᓐᓇᖅᑐᓂᒃ ᑲᓇᑕᐅᑉ ᐅᑭᐅᖅᑕᖅᑐᖅᐸᓯᖓᓂ ᐊᑐᓕᕈᓇᖅᑐᓂᒃ.

ᐊᑐᓕᖁᔭᖅ 20

ᑲᓇᑕᐅᑉ ᒐᕙᒪᐃᑦ ᐅᔾᔨᖅᑐᑦᑎᐊᕆᐊᖃᖅᑐᑦ ᑲᓇᑕᒥ ᐃᓱᒪᓕᐅᕈᑕᐅᔪᓂᒃ ᐊᒃᑐᖅᓯᓯᒪᓂᐊᖅᑐᓂᒃ ᐃᓅᔾᔪᑎᒃᓴᓄᓪᓗᓐᓃᑦ ᑮᓇᐅᔭᓕᐅᕈᑎᒃᓴᓄᓪᓗ ᐱᕙᓪᓕᐊᔪᖃᕐᓂᐊᖅᐸᑦ ᐅᑭᐅᖅᑕᖅᑐᖓᓂ ᑲᓇᑕᐅᑉ ᑐᑭᖃᑦᑎᐊᖅᑐᓂᒃ ᑐᑭᓯᓂᐊᕐᕕᐅᑦᑎᐊᖃᑕᕐᓗᑎᒃ ᒐᕙᒪᒋᔭᐅᔪᑦ ᓄᓇᖃᖅᑐᑐᖃᐃᓪᓗ ᑲᑐᔾᔨᖃᑎᒌᖏᑦ, ᐱᖃᓯᐅᔾᔨᓗᑎᒃ ᐱᔾᔪᑎᖃᖅᑐᓂᒃ ᐱᕙᓪᓕᐊᔪᓐᓇᕐᓂᖏᓐᓂᒃ ᑕᕆᐅᕐᒥ ᐃᑎᓂᕐᒥ ᐅᖅᓱᐊᓗᒃᓯᐅᕐᕕᐅᔪᓐᓇᕐᓂᖏᑦ ᐊᒻᒪᓗ ᒐᓴᓖᒃᓴᖅᓯᐅᕐᕕᐅᔪᓐᓇᕐᓂᖏᓗᓐᓃᑦ.

ᐊᑐᓕᖁᔭᖅ 23

ᐱᓕᕆᖃᑦᑎᐊᖃᑦᑕᕐᑲᑦᑕᕐᓗᒋᑦ ᓄᓇᕗᒻᒥ ᐅᑭᐅᖅᑕᖅᑐᓂᕐᒥ ᒐᕙᒪᐅᔪᑦ, ᐊᒻᒪᓗ ᓄᓇᖃᖅᑐᑐᖃᐃᑦ ᑲᑐᔾᔨᖃᑎᒌᖏᑦ, ᐱᕙᓪᓕᐊᔪᓕᕆᓂᕐᒧᑦ ᑯᐊᐴᕇᓴᖏᑦ, ᑲᓇᑕᐅᑉ ᒐᕙᒪᐃᑦ ᐱᓕᕆᖃᑎᖃᕆᐊᖃᖅᐳᑦ ᐱᖁᑎᕐᔪᐊᖃᑦᑎᐊᖏᓂᖏᓐᓂᒃ ᓴᓈᖃᖅᐸᓪᓕᐊᔪᓐᓇᕐᓂᖅ ᑲᓇᑕᐅᑉ ᐅᑭᐅᖅᑕᖅᑐᖅᐸᓯᐅᓂᖓᓂᓗ ᓂᒋᖅᐸᓯᐊᓂᓗ ᓄᓇᓕᖕᓂ, ᐱᓗᐊᖅᑐᒥᒃ ᐃᓱᒪᒋᔭᐅᓗᑎᒃ ᐊᐅᓪᓛᕐᕕᒃᓴᐃᑦ/ᐊᐅᓪᓚᕈᑎᒃᓴᐃᑦ ᐊᒻᒪᓗ ᐊᑕᑕᕐᕕᒃᓴᖃᑦᑎᐊᕆᐊᖃᕐᓂᖏᑦ ᑕᒪᒃᑯᐊ ᐊᑐᖅᑕᐅᔪᓐᓇᕐᓂᖏᓐᓄᑦ. ᓈᒪᔪᓂᒃ ᑮᓇᐅᔭᒃᓴᓂᒃᑕᐅᖃᑦᑕᕈᓐᓇᕆᐊᖃᕐᓂᖏᑦ ᐊᖏᔫᑎᓂᒃ ᓴᓇᔪᒪᔪᑦ ᐆᒃᑐᖃᑦᑕᕈᓐᓇᕐᓂᐊᕐᒪᑕ ᑲᓇᑕᒧᑦ ᐃᑲᔪᖅᑕᐅᔪᓐᓇᕐᓂᖅ ᓴᕿᑎᑦᑎᔪᓐᓇᕐᓂᖏᓐᓄᑦ ᓄᓇᓕᒡᔪᐊᖃᑦᑎᐊᕈᑎᒃᓴᐅᓂᐊᖅᑐᓂᒃ.

ᐊᑐᓕᖁᔭᖅ 24

ᖃᖓᑐᐃᓐᓇᖅ ᐊᑭᓕᐅᑎᒃᓴᓂᒃᓯᒪᔪᖃᖅᐸᑦ ᓴᐳᓐᓂᐊᕈᑎᒃᓴᓄᑦ ᐊᑐᕐᓂᐊᖅᑐᓂᒃ ᐱᖁᑎᕐᔪᐊᓕᐅᕐᓂᕐᒥᒃ ᑲᓇᑕᐅᑉ ᐅᑭᐅᖅᑕᖅᑐᖅᐸᓯᐅᓂᖓᓂ, ᑲᓇᑕᐅᑉ ᒐᕙᒪᐃᑦ ᑐᑭᓯᓂᐊᕆᐊᖃᖅᑐᑦ ᐃᓄᐃᑦ ᓄᓇᓖᑦ ᐱᖁᑎᖃᕆᐊᖃᕐᓂᖏᓐᓂᒃ ᓄᓇᖏᓐᓂ ᓄᓇᓖᑦ ᐃᓱᒪᒋᓗᒋᑦ ᐱᐅᓂᖅᐹᑦᑎᐊᖑᔪᓐᓇᖅᑐᓂᒃ ᐃᑲᔪᖅᑕᐅᔪᓐᓇᕐᓂᖏᓐᓂᒃ ᐅᑭᐅᖅᑕᖅᑐᒥ ᓄᓇᖃᖃᑕᐅᔪᑦ, ᓴᐳᓐᓂᐊᖅᑕᐅᔾᔪᑎᒃᓴᖏᓐᓄᑦ ᐊᑭᓕᖅᑐᖅᑕᐅᔪᖃᕐᓂᐊᓕᖅᑎᓪᓗᒍ.

ᐊᑐᓕᖁᔭᖅ 28

ᑲᓇᑕᐅᑉ ᒐᕙᒪᐃᑦ ᐸᕐᓇᐃᖃᑦᑕᕆᐊᖃᖅᑐᑦ ᐊᕐᕋᒍᑕᒫᖅ ᐅᓂᒃᑳᓕᐊᓂᒃ ᐱᔾᔪᑎᖃᖅᑐᓂᒃ ᑲᓇᑕᐅᑉ ᖃᓄᐃᓕᐅᖅᑎᐅᓂᖏᓐᓂᒃ ᑲᒪᔨᐅᓂᖏᓐᓂᒡᓗ ᑲᓇᑕᒥᐅᓂ ᐅᑭᐅᖅᑕᖅᑐᖅᐸᓯᐅᓂᖓᓂᒃ, ᑮᓇᐅᔭᓂᒡᓗ ᐊᑐᖅᑐᒃᓴᓂᒃ ᓴᓂᕐᕙᖅᑕᐅᓂᐊᖅᑐᓂᒃ ᐊᐃᑑᓯᐊᒃᓴᐃᑦ ᐊᑐᐊᒐᓕᐅᕈᑕᐅᓂᕐᒧᑦ ᑐᕌᖓᕙᒡᓗᑎᒃ ᓴᕿᑎᑕᐅᔪᒪᓂᖏᓐᓂᒡᓗ ᑕᐃᒃᑯᐊ ᑮᓇᐅᔭᒃᓴᓂᒃᑕᐅᓂᖏᓐᓄᑦ ᐃᓚᖃᖃᑦᑕᕐᓗᑎᒃ ᐅᑭᐅᖅᑕᖅᑐᒥ ᒐᕙᒪᒋᔭᐅᔪᓂᒃ ᐊᒻᒪᓗ ᓄᓇᖃᖅᑐᑐᖃᐃᑦ ᑲᑐᔾᔨᖃᑎᒌᖏᓐᓂᒃ.

ᓴᐳᓐᓂᐊᖅᑕᐅᓂᖓᓄᑦ, ᐅᓗᕆᐊᓇᖅᑐᖃᕆᐊᖃᓐᖏᓂᕐᒧᑦ ᐊᒻᒪᓗ ᐸᖅᑭᔭᐅᑦᑎᐊᕆᐊᖃᕐᓂᖏᓐᓄᑦ

ᐊᑐᓕᖁᔭᖅ 11

ᑲᓇᑕᐅᑉ ᒐᕙᒪᒃᑯᑦ ᓄᑖᕈᕆᐊᖅᑎᑦᑎᔭᕆᐊᖃᖅᑐᑦ ᑲᓇᑕᒥᐅᑦ ᓯᒡᔭᖅᐸᓯᖏᓐᓂ ᓇᐅᑦᑎᖅᑐᐃᔩᑦ ᓯᑯᓯᐅᑎᒋᔭᖏᓐᓂᒃ ᑕᐃᒫᒃ ᑲᒪᔨᐅᖃᑦᑕᐃᓐᓇᕈᓐᓇᕐᓂᐊᕐᒪᑕ ᐱᑕᖃᕆᐊᖃᒻᒪᕆᓕᖅᑐᓂᒃ ᐱᓕᕆᐊᖑᔭᕆᐊᖃᖅᑐᓂᒃ, ᐱᔨᑦᑎᕋᐅᑎᖏᓐᓂᓗ ᑲᓇᑕᒥᐅᑕᓄᑦ, ᐱᐅᓯᖃᕐᓗᑎᒃ ᐊᒥᒐᖅᐸᖕᓂᐊᖏᑦᑐᓂᒃ ᐊᕐᕋᒎᓂᐊᖅᑐᓂᒃ ᑲᓇᑕᐅᑉ ᑕᕆᐅᖏᓐᓂᒃ ᐅᓗᕆᐊᓇᖅᑐᖃᕆᐊᖃᖏᓂᕐᒥᒃ ᓇᐅᑦᑎᖅᑐᐃᕕᒃᓴᖃᕆᖃᕐᓂᖏᓐᓂᒃ ᐊᒻᒪᓗ ᑲᓇᑕᒧᑦ ᐱᖁᑎᒋᔭᐅᓂᖏᓐᓂᒃ ᖃᐅᔨᒪᑎᑦᑎᔨᐅᕙᖕᓂᖏᓐᓂᒃ, ᖃᐅᔨᓴᖅᑕᐅᔪᓐᓇᖅᑐᓄᓪᓗ ᐊᑐᕆᐊᓕᖕᓂᒃ ᐅᕝᕙᓘᓐᓃᑦ ᐊᓯᐅᓯᒪᔪᖃᖅᑎᓪᓗᒍ ᐱᓂᕐᓗᒃᓯᒪᔪᖃᖅᑎᓪᓗᖑᓗᓐᓃᑦ ᐃᑲᔪᖅᑎᐅᔪᓐᓇᖅᑐᓂᒃ ᕿᓂᖅᑎᐅᔪᓐᓇᖅᑐᓂᒡᓗ ᐊᔪᖏᓪᓗᑎᒃ.

ᐊᑐᓕᖁᔭᖅ 12

ᑲᓇᑕᐅᑉ ᒐᕙᒪᐃᑦ ᐱᕕᒃᓴᓂᒃᓯᒪᔭᕆᐊᖃᖅᑐᑦ ᖃᓄᑎᒋ ᓇᓗᐃᔭᐃᓗᑎᒃ ᑐᕌᒐᕆᔭᖏᓐᓂᒃ ᐱᔭᕇᖅᑕᐅᓯᒪᓂᐊᖅᑐᓂᒃ ᓄᓇᖑᐊᓕᐊᕆᔭᐅᓂᐊᖅᑐᓂᒃ, ᒪᓕᒃᑕᐅᓗᑎᒃ ᐅᓪᓗᒥᐅᕙᓕᖅᑐᖅ ᓴᓇᕐᕈᑕᐅᓕᖅᑐᓂᒃ ᑕᒪᒃᑯᓂᖓ, ᐊᑐᖅᑕᐅᒐᔪᖕᓂᖅᐹᖑᓕᖅᑐᓂᒃ ᑕᕆᐅᒃᑯᑦ ᐅᒥᐊᕐᔪᐊᒃᑰᕐᕕᐅᕙᖕᓂᖏᓐᓂᒃ ᑲᓇᑕᐅᑉ ᐅᑭᐅᖅᑕᖅᑐᖅᐸᓯᐅᓂᖓ.

ᐊᑐᓕᖁᔭᖅ 13

ᑲᓇᑕᐅᑉ ᒐᕙᒪᐃᑦ ᐊᖏᒡᓕᒋᐊᖅᑎᑦᑎᔭᕆᐊᖃᖅᑐᑦ ᑮᓇᐅᔭᒃᓴᓂᒃ ᑕᐃᒃᑯᓄᖓ ᑲᓇᑕᓕᒫᒥ ᖃᖓᑕᓲᒃᑯᑦ ᓇᐅᑦᑎᖅᑐᐃᔨᖏᓄᑦ ᐊᖏᓂᖅᓴᓂᒃ ᓄᓇᒥᒃ ᐊᒥᓱᐃᖅᑕᕐᓂᖅᓴᐅᖃᑕᕐᓗᑦᑎᒃ ᖃᐅᔨᓴᖃᑦᑕᕈᓐᓇᕐᓂᐊᕐᒪᑕ ᑲᓇᑕᐅᑉ ᐅᑭᐅᖅᑕᖅᑐᖅᐸᓯᐅᓂᖓᓂᒃ. ᑲᓇᑕᐅᑉ ᒐᕙᒪᐃᑦᑕᐅᖅ ᐅᔾᔨᖅᑐᑦᑎᐊᕆᐊᖃᖅᑐᑦ ᓄᑖᓂᒃ ᐱᔪᓐᓇᖅᓯᔭᕆᖃᐊᕐᓂᖏᓐᓂᒃ ᓇᐅᑦᑎᖅᑐᐃᓂᕐᒧᓪᓗ ᖃᐅᔨᓴᕐᓂᕐᒧᓪᓗ ᐱᖁᑎᒃᓴᓄᑦ ᐊᑐᖅᑐᓴᒃᓂᒃ, ᐊᓯᔾᔨᖅᑕᐅᔪᓐᓇᕐᓂᖏᓐᓄᓪᓗ ᖃᖓᑕᓲᑦ ᐱᔭᕇᐊᖃᕌᖓᒥᒃ.

ᐊᑐᓕᖁᔭᖅ 14

ᑲᓇᑕᐅᑉ ᒐᕙᒪᐃᑦ ᑲᔪᓯᓗᑎᒃ ᐊᑭᓕᖅᑐᐃᔭᕆᐊᖃᖅᑐᑦ ᓄᑖᓂᒃ ᑲᕆᑕᐅᔭᒃᑯᕈᓐᓇᖅᑐᓂᒃ ᓴᓇᕐᕈᑎᒃᓴᓂᒃ ᐱᐅᓯᕚᓪᓕᕈᑕᐅᔪᓐᓇᖅᑐᓂᒃ ᖃᐅᔨᐅᔭᐅᔪᓐᓇᕐᓂᖏᓐᓂᒃ ᑕᕆᐅᒃᑯᑦ ᐊᖅᑲᐅᒪᔪᓂᒃ ᐊᒡᒋᖅᐸᓪᓕᐊᔪᓐᓇᖅᑐᓂᒃ ᐅᕝᕙᓗᓐᓃᑦ ᐅᑭᐅᖅᑕᖅᑑᓂᕐᒧᐊᖅᐸᓪᓕᐊᔪᖃᖅᐸᑦ, ᑕᐃᒃᑯᓂᖓᓗ ᐱᓕᕆᖃᑎᖃᕐᓂᖅᓴᐅᓗᑎᒃ ᐊᒥᐊᓕᑲᒥᐅᓂᒃ ᐊᖅᑯᑎᒋᓗᒋᑦ ᑲᓇᑕᐅᑉᓗ ᐊᒥᐊᓕᑲᐅᓪᓗ ᖃᖓᑕᕕᖏᓐᓂᒃ ᓴᐳᓐᓂᐊᕐᕕᐅᓂᕐᒧᑦ ᐊᐅᓚᑦᑎᔾᔪᑎᖏᓐᓂᒃ-NORAD-ᑯᑦ.

ᐊᑐᓕᖁᔭᖅ 15

ᑲᓇᑕᐅᑉ ᒐᕙᒪᐃᑦ ᕿᒥᕐᕈᐊᕆᐊᖃᖅᑐᑦ ᕿᓂᕈᓐᓇᕐᓂᕐᒧᓪᓗ ᐃᑲᔪᕆᐊᖃᑦᑕᕈᓐᓇᕐᓂᕐᒧᓪᓗ ᐱᖁᑎᒋᔭᐅᔭᕆᐊᖃᖅᑐᓂᒃ ᑲᔪᓰᓐᓇᖅᑐᒥᒃ ᐱᕙᓪᓕᐊᕙᒡᓗᑎᒃ, ᐃᓚᒋᕙᒡᓗᒋᓪᓗ ᐅᑭᐅᖅᑕᖅᑑᑉ ᐊᕕᒃᑐᖅᓯᒪᓂᖏᓐᓂ ᐃᓚᒋᓕᖅᑕᖏᑦ ᑐᑭᓯᓇᕐᓂᐊᕐᒪᑕ ᖃᓄᐃᑦᑐᓂᒃ ᖃᖓᑕᓲᖃᕆᐊᖃᕐᒪᖔᑕ ᐅᑭᐅᖅᑕᖅᑐᒥ ᓇᓪᓕᐊᖕᓂᑐᐃᓐᓇᖅ ᒪᓕᒃᑐᓂᒃ ᐊᕐᕋᒍᒥ ᓄᓇᐅᑉ ᐊᓯᔾᔨᖅᐸᖕᓂᖓᓂᒃ ᐅᕝᕙᓗᓐᓃᑦ ᑕᐃᒪᐃᖏᓐᓇᕐᓂᐊᖅᑐᓂᒃ ᑐᖓᕕᖃᕐᑐᓂᒃ. ᐱᔭᕆᐊᖃᕐᓂᖏᓐᓂᒃ ᖃᐅᔨᓴᖅᑕᐅᓯᒪᔪᓂᒃ ᑐᑭᓯᓇᖅᓯᔪᖃᖅᐸᑦ, ᖃᖓᑐᐃᓐᓇᖅ, ᓯᕗᒻᒧᐊᒍᓇᕆᐊᖃᖅᑐᓂᒃ ᐅᑭᐅᖅᑕᖅᑐᕐᒧᐊᖅᑐᖃᕆᐊᖃᖅᐸᑦ, ᒐᕙᒪᒃᑯᑦ ᑮᓇᐅᔭᒃᓴᓂᒃᓯᔭᕆᐊᖃᖅᑐᑦ ᑲᓇᑕᒥᐅᑦ ᐅᓇᑕᖅᑐᒃᓴᖁᑎᖏᓐᓄᑦ ᖃᖓᑕᓲᖁᑎᖏᓐᓄᑦ ᑕᐃᒫᒃ ᕿᓂᕆᐊᖃᑦᑕᕈᓐᓇᕐᓂᐊᕐᒪᑕ ᐃᑲᔪᕆᐊᖃᑦᑕᕈᓐᓇᕐᓗᑎᒡᓗ ᑕᒪᒃᑯᐊᓗ ᐱᔨᑦᑎᕋᐅᑕᐅᕙᒃᑐᑦ ᐊᔪᕐᓇᖅᓯᓂᐊᖏᒻᒪᑕ ᖃᓗᓈᑎᑐᑦ ᓄᓇᖏᓃᑦᑐᓄᑦ ᐊᑐᖅᑕᐅᔪᓐᓇᕐᓂᖅ ᑲᓇᑕᒥ.

ᐊᑐᓕᖁᔭᖅ 16

ᑲᓇᑕᐅᑉ ᒐᕙᒪᐃᑦ ᖃᐅᔨᒋᐊᕋᔭᖅᑐᑦ ᐊᔪᕈᓐᓃᖅᓴᖅᑕᐅᔪᓐᓇᕐᒪᖔᑕ ᑲᓇᑕᒥ ᐅᓇᑕᖅᑐᒃᓴᓂᒃ ᐃᑲᔪᖅᑎᐅᔪᑦ ᕇᓐᔭᐃᑦ ᐊᒻᒪᓗ ᒪᒃᑯᒃᑐᓂᒃ ᕇᓐᔭᒃᓴᔭᐃᑦ ᐊᑐᓕᕈᓐᓇᕐᓂᖏᓐᓂᒃ ᖃᖓᑕᓲᕋᓛᖑᐊᓂᒃ ᑕᕐᕆᔭᐅᑎᖃᕈᓐᓇᖅᑐᑦ ᖃᐅᔨᒪᔾᔪᑕᐅᑦᑎᐊᒃᑲᓐᓂᕈᓐᓇᖅᑐᓂᒃ ᑲᓇᑕᒧᑦ ᖃᓄᐃᓕᖓᓂᖏᓐᓂᒃ ᐅᑭᐅᖅᑕᖅᑐᒥ. ᐊᑐᒐᒃᓴᐅᔪᓐᓇᕈᑎᒃ, ᒐᕙᒪᒃᑯᑦ ᓴᓂᕐᕙᐃᓯᒪᔭᕆᐊᖃᖅᑐᑦ ᓄᑖᓂᒃ ᑮᓇᐅᔭᓂᒃ ᓂᐅᕕᕈᑎᒃᓴᓂᒃ, ᐋᕿᐅᒪᔾᔪᑎᒃᓴᓂᒃ, ᓱᕋᒃᑯᑎᒡᓗ ᓴᓇᔭᐅᔾᔪᑎᒃᓴᖏᓐᓂᒃ ᓴᓇᕐᕈᑏᓄᑦ ᑕᒪᒃᑯᓄᖓ, ᐱᐅᓯᒋᐊᑎᖅᑕᐅᓗᑎᒡᓗ ᑲᓇᑕᒥᐅᑦ ᖃᖓᓲᒃᑯᑦ ᐅᓇᑕᖅᑐᒃᓴᐃᑦ ᑐᓴᐅᒪᖃᑦᑕᐅᑎᓂᕐᒧᑦ ᐱᖁᑎᕐᔪᐊᕆᔭᖏᑦ ᐅᑭᐅᖅᑕᖅᑐᒥ.

ᐊᑐᓕᖁᔭᖅ 17

ᑲᓇᑕᐅᑉ ᒐᕙᒪᐃᑦ ᓴᓂᕐᕙᐃᓯᒪᔭᕆᐊᖃᖅᑐᑦ ᐊᑯᓂᐅᓂᐊᖅᑐᒧᑦ ᑮᓇᐅᔭᒃᓴᓂᒃ ᐃᓂᖏᖅᑕᐅᔾᔪᑎᒃᓴᓄᑦ ᐊᓯᔾᔨᕈᑎᒃᓴᓂᑦ ᐅᑭᐅᖅᑕᖅᑐᒥ ᐅᖓᓯᒃᑐᒥᒃ ᖃᐅᔨᓴᕐᕕᓕᐊᕆᔭᐅᓯᒪᔪᓂᒃ ᐅᓗᕆᐊᓇᖅᑐᓕᖕᓂᒃ, ᐅᖃᐅᓯᐅᕙᓪᓕᐊᓗᑎᒃ ᐊᒥᐊᓕᑲᒥᐅᓄᑦ ᓄᑖᕈᕆᐊᖅᑕᐅᓂᖏᓐᓂᒃ NORAD-ᑯᑦ ᑕᐱᕇᑦ ᐊᔪᖏᓐᓂᖏᓐᓂᒃ ᐊᑐᕈᓐᓇᖅᑕᖏᑦ ᐅᑭᐅᖅᑕᖅᑐᒥ.

ᐊᑐᓕᖁᔭᖅ 18

ᑲᓇᑕᐅᑉ ᒐᕙᒪᐃᑦ ᕿᒥᕐᕈᐊᕆᐊᖃᖅᑐᑦ ᓯᕗᒧᑦ ᐊᐅᓚᑦᑎᕕᐅᔪᓂᒃ ᓇᓃᑦᑐᖃᕐᓂᕐᒥᒃ ᖃᐅᔨᓴᕈᑎᖏᓐᓂᒃ ᐊᑐᖅᑕᐅᕙᒃᑐᓂᒃ ᒪᓐᓇᐅᔪᖅ ᑲᓇᑕᐅᑉ ᐅᓇᑕᕈᑎᖏᓐᓄᑦ ᖃᖓᑕᓲᕐᓄᑦ ᑐᑭᓯᐅᒪᔾᔪᑕᐅᕙᖕᓂᕐᒧᑦ ᐱᖁᑏᑦ ᓄᑖᕈᕆᐊᖅᑕᐅᔭᕆᐊᖃᕐᒪᖔᑕ ᒫᓐᓇᐅᔪᖅ ᐱᖁᑎᕐᔪᐊᕆᔭᐅᔪᑦ  ᑕᐃᒫᒃ ᐊᑑᑦᑎᖃᑦᑎᐊᕈᓐᓇᖅᑐᓂᒃ ᐊᒻᒪ ᐊᑐᖅᑕᐅᓐᖏᓐᓇᕈᓐᓇᕐᓂᐊᖅᑐᓂᒃ ᖃᐅᔨᒪᔭᐅᓂᐊᕐᒪᑕ ᐃᓄᖃᕐᓂᖏᑦ ᐊᒻᒪᓗ ᐃᓚᒋᐊᖅᑕᐅᔪᖃᕆᐊᖃᕐᒪᖔᑦ ᓄᑖᓂᒃ ᖃᐅᔨᓵᓕᕕᐅᕙᒃᑐᓂᒃ ᑲᓇᑕᐅᑉ ᐅᑭᐅᖅᑕᖅᑐᖅᐸᓯᖓᓂ, ᐃᓱᒪᒋᔭᐅᓗᑎᒃ ᑕᒪᒃᑭᖅᓯᒪᑦᑎᐊᕆᐊᖃᕐᓂᖏᑦ ᓴᐳᓐᓂᐊᕈᑕᐅᔪᑦ ᐊᒥᓕᑲᐃᓪᓗ ᑲᓇᑕᐅᓪᓗ ᓄᓇᖁᑎᖏᓐᓂᒃ ᐊᔪᕐᓇᖏᓂᓕᒫᒃᑯᑦ.

ᐊᑐᓕᖁᔭᖅ 21

ᑲᓇᑕᐅᑉ ᒐᕙᒪᐃᑦ ᕿᒥᕐᕈᐊᕆᐊᖃᖅᑐᑦ ᑕᐃᒃᑯᓂᖓ ᐅᖓᓯᒃᑐᒥᒃ ᐊᐅᓚᑕᐅᓗᑎᒃ ᖃᖓᕕᐅᔪᓐᓇᖅᑐᓂᒃ ᐊᐅᓚᑦᑎᕕᑦ ᒪᓕᒐᖏᑦ, ᑐᑭᓯᓂᐊᖅᑕᐅᓗᑎᒃ ᐊᖑᒪᖕᒪᖔᑕ ᓴᓇᕐᕈᑎᑯᑦ ᖃᕆᑕᐅᔭᒃᑰᖅᑐᓂᒃ ᐱᕙᓪᓕᓯᒪᔪᓂᒃ ᐅᖓᓯᒃᑐᒥᒃ ᐊᐅᓚᑕᐅᔪᓂᒃ ᖃᐅᔨᓴᕈᑎᖃᖅᑐᓂᒃ ᐊᒻᒪᓗ ᑕᐃᒃᑯᐊ ᓄᓇᕐᔪᐊᓕᒫᒥ ᐱᓕᕆᐊᖑᔪᓕᕆᔨᑦ ᑲᓇᑕᒥ ᓱᓕ ᓈᒻᒪᖕᓂᖅᐹᖑᔪᓂᒃ ᐃᖃᓇᐃᔭᖅᑎᑦᑎᒐᓗᐊᕐᒪᖔᑕ ᐃᖃᓇᐅᔭᕐᕕᖁᑎᖏᓐᓂᒃ ᐊᐅᓚᑕᐅᕙᖕᓂᖏᓐᓄᑦ ᐱᔪᓐᓇᐅᑏᑖᕋᓱᐊᕈᑎᓂᒃ ᓚᐃᓴᓐᓯᑖᕋᓗᐊᕈᑎᓂᒃ ᐆᒃᑐᕋᑕᐅᔪᓂᒃ, ᒪᓕᒃᑕᐅᓗᑎᒃ ᒪᓕᒐᐃᑦ. ᐃᓚᒋᔭᐅᓂᕐᒧᑦ ᑕᒪᒃᑯᓄᖓ, ᑲᓇᑕᐅᑉ ᒐᕙᒪᖏᑦ ᐃᖅᑲᓱᒋᐊᖃᖅᑐᑦ ᐊᑐᓕᖁᔭᓕᐊᖑᔪᓂᒃ ᓴᕿᑎᑕᐅᓚᐅᖅᓯᒪᔪᓂᒃ ᐊᕐᕋᒍᒥ 2012 ᐊᒻᒪᓗ 2017-ᒥ ᐃᒥᒍᑦ ᐊᐅᓚᑎᔨᓄᑦ ᕿᒥᕐᕈᐊᖅᑕᐅᓚᐅᖅᑎᓪᓗᒋᑦ ᒪᓕᒐᐃᑦ ᑖᒃᑯᐊ.  

ᓄᓇᓕᕆᓂᕐᒥᒃ ᐊᐅᓚᑦᑎᓂᖅ

ᐊᑐᓕᖁᔭᖅ 1

ᐃᓚᒋᔭᐅᓪᓗᑎᒃ ᓄᖃᖅᑎᑦᑎᒋᐊᕐᓂᕐᒥᒃ ᓴᐳᓐᓂᐊᕐᓂᕐᒥᒡᓗ ᖃᓄᑐᑐᐃᓐᓇᕐᓂᕐᒥᒃ ᐅᓗᕆᐊᓇᕈᑕᐅᔪᓂᒃ ᐃᓚᒌᒃᑐᑦ ᓄᓇᖁᑎᖏᓐᓂᒃ ᑲᓇᑕᐅᓪᓗ ᐊᒥᐊᓕᑲᒥᐅᓪᓗ ᐊᖏᖃᑎᒌᒍᑎᖏᓐᓄᑦ ᑲᑐᔾᔨᖃᑎᒌᖕᓂ, ᑲᓇᑕᐅᑉ ᒐᕙᒪᐃᑦ ᐱᓕᕆᖃᑎᖃᕆᐊᖃᖅᑐᑦ ᐃᓚᒥᓂᒃ ᑕᒫᓂ ᐊᑦᓛᓐᑎᒃ ᑕᕆᐅᕐᔫᑉ ᐅᐊᖕᓇᖓᓄᑦ ᑲᑎᒪᔨᕐᔪᐊᕐᓂᒃ ᑐᑭᓯᐅᒪᔭᐅᑦᑎᐊᒃᑲᓐᓂᕐᓂᐊᕐᒪᑕ ᕌᓯᐊᒥᐅᑦ ᐅᓇᑕᖅᑐᒃᓴᐃᑦ ᖃᓄᐃᓕᐅᕈᒪᓂᖏᓐᓂᒃ ᐅᑭᐅᖅᑕᖅᑐᒥ ᐊᒻᒪᓗ ᐃᓱᒃᒪᒃᓴᖅᓯᐅᕈᑕᐅᓗᑎᒃ ᓈᒻᒪᖕᓂᐹᖑᓂᐊᖅᑐᓂᒃ ᐅᔾᔨᖅᑐᕈᑕᐅᑎᐊᕐᓂᐊᖅᑐᓂᒃ ᖃᓄᐃᓕᐅᕈᑎᒃᓴᓂᕆᓂᐊᖅᑕᖏᓐᓂᒃ.

ᐊᑐᓕᖁᔭᖅ 3

ᑲᓇᑕᐅᑉ ᒐᕙᒪᐃᑦ ᐅᖃᖃᑎᖃᕆᐊᖃᖅᑐᑦ ᑦᓴᓇᐅᑉ ᒐᕙᒪᐃᑦ ᑐᑭᓯᓂᐊᕐᕕᒋᒐᓱᒡᓗᒋᑦ ᐅᑭᐅᖅᑕᖅᑐᖓᓄᐊᕈᒪᓂᖏᓐᓂᒃ ᐱᔾᔪᑎᖃᖅᑐᓂᒃ.

ᓄᓇᕐᔪᐊᕐᒥ ᐅᑭᐅᖅᑕᖅᑐᒥᐅᑕᐃᑦ ᐱᑦᑎᐊᖃᑦᑕᐅᑎᓂᖏᑦ ᐊᒻᒪᓗ ᓄᓇᖃᖅᑐᑐᖃᐃᑦ ᐱᔪᓐᓇᐅᑎᖏᑦ

ᐊᑐᓕᖁᔭᖅ 2

ᑲᓇᑕᐅᑉ ᒐᕙᒪᐃᑦ ᑲᔪᓯᓗᑎᒃ ᐱᓕᕆᖃᑎᖃᕆᐊᖃᖅᑐᑦ ᕌᓯᐊᒥᐅᑕᓂᒃ, ᖃᖓᑐᐃᓐᓇᖅ ᐊᔪᕐᓇᕈᓐᓃᕌᖓᑦ, ᐊᖅᑯᑎᒋᓗᓂᒋᑦ ᐅᑭᐅᖅᑕᖅᑐᒥ ᑲᑎᒪᔨᕐᔪᐊᑦ, ᐊᓯᖏᓪᓗ ᐅᑭᐅᖅᑕᖅᑐᖅᐸᓯᐅᓂᕐᒥᒃ ᓄᓇᓕᒡᔪᐊᖃᕐᒥᔪᑦ, ᑲᓇᑕᐅᑉ ᒐᕙᒪᐃᑦ ᑕᐃᑰᓇ ᐱᓕᕆᔪᓐᓇᕐᓂᐊᕐᒪᑕ ᖃᐅᔨᓴᕐᑲᑦᑕᕐᓂᕐᒧᑦ ᐊᑐᐊᒐᓕᕆᓂᕐᒧᓪᓗ ᖃᐅᔨᓴᖅᑕᐅᓂᖏᓐᓂᒃ ᐅᖃᐅᓯᐅᓗᑎᒡᓗ ᑕᒪᐃᓐᓄᑦ ᐊᒃᑐᖅᑕᐅᓯᒪᔪᓐᓇᕐᓂᖏᑦ ᐊᕙᑎᓕᕆᓂᕐᒥᒃ, ᐅᓗᕆᐊᓇᖅᑐᖃᕆᐊᖃᖏᓂᕐᒥᒃ, ᐃᖕᒋᕐᕋᕕᐅᔪᓐᓇᕐᓂᖏᓐᓂᒃ ᐊᒻᒪᓗ ᐃᓄᐃᑦ ᐱᕙᓪᓕᐊᔪᓐᓇᕐᓂᖏᓐᓄᑦ ᐊᒃᓱᕉᑕᐅᕙᒃᑐᓂᒃ.

ᐊᑐᓕᖁᔭᖅ 4

ᑲᓇᑕᐅᑉ ᒐᕙᒪᐃᑦ ᐃᓚᖃᕆᐊᖃᖅᑐᑦ ᐅᖃᖃᑎᖃᕐᓂᖅ ᐅᑭᐅᖅᑐᖅᐸᓯᖕᒥᐅᑕᐅᖏᑦᑐᓂᒃ ᐃᓚᐅᔪᒪᓯᒪᔪᓂᒃ ᑕᒃᐹᓂ ᐅᔾᔨᖅᑐᑦᑎᐊᕈᒪᓂᕐᒧᑦ ᓯᕗᓂᒃᓴᒥᒃ ᐅᒥᐊᕐᔪᐊᒃᑰᕐᕕᐅᔪᓐᓇᕐᓂᖏᑦ ᐅᓗᕆᐊᖅᑐᖃᖏᓂᖏᓐᓂᒃ, ᐱᐅᖏᑦᑐᒥᒃ ᓱᕈᕈᑕᐅᔪᓐᓇᖅᑐᓂᒃ ᐊᒃᑐᖅᓯᑦᑕᐃᓕᒪᓂᕐᒧᑦ ᐅᑭᐅᖅᑕᖅᑐᒥ ᓄᓇᓕᖕᓂᒃ, ᐊᕙᑎᖏᓐᓂᒡᓗᓐᓃᑦ ᐱᐅᓯᑐᖃᕐᒥᓃᑦᑐᓂᒃ, ᑕᒪᒃᑯᐊᓗ ᐊᑐᖅᑕᐅᓂᐊᕈᑎᒃ ᒪᓕᒋᐊᖃᕐᓂᖏᓐᓂᒃ ᑲᓇᑕᒥᐅᑦ ᐊᑐᐊᒐᕆᔭᖏᓐᓂᒃ, ᒪᓕᒐᕆᔭᖏᓐᓂᒃ, ᒪᓕᒐᓪᓗᑐᖏᓐᓂᒡᓗ ᐊᑐᖅᑕᐅᔭᕆᐊᖃᖅᑐᓂᒃ ᐅᑭᐅᖅᑕᖅᑐᒥ, ᐊᒻᒪᓗ ᐅᓗᕆᐊᓇᑐᖃᖅᑎᑦᑎᑕᐃᓕᒪᔭᕆᐊᖃᕐᓂᕐᒧᑦ ᑲᓇᑕᐅᑉ ᐅᑭᐅᖅᑕᖅᑐᖅᐸᓯᖓᓂᒃ.

ᐊᑐᓕᖁᔭᖅ 5

ᑲᔪᓯᔪᒥᒃ ᐅᖃᖃᑎᖃᐃᓐᓇᕆᐊᖃᖅᑐᑦ ᐊᓯᖏᓐᓂᒃ ᓄᓇᕐᔪᐊᕐᒥ ᐅᑭᐅᖅᑕᖅᑐᖅᐸᓯᖕᒥᐅᑕᐅᖃᑕᐅᔪᓂᒃ ᓄᓇᓕᒡᔪᐊᕐᓂᒃ, ᐱᓗᐊᖅᑐᒥᒃ ᐅᑯᓂᖓ, ᑎᐊᓐᒫᒃ, ᓄᐊᕖ, ᕌᓯᐊᑦ ᐊᒻᒪᓗ ᐊᒥᐊᑲᒥᐅᑦ, ᒪᓕᒡᓗᑎᒃ ᓄᓇᕐᔪᐊᕐᒧᑦ ᑲᑐᔾᔨᖃᑎᒌᒡᔪᐊᑦ ᑲᑎᒪᕐᔪᐊᕈᓯᕆᔭᖏᓐᓂᒃ ᒪᓕᒐᓕᐊᕆᓯᒪᔭᖏᓐᓂᑦ ᑕᕆᐅᕐᒧᑦ ᐊᒻᒪᓗ ᑕᐃᒃᑯᓂᖓ 2008-ᒥ ᐃᓗᓕᓴᐃᑦ ᓇᓗᓇᐃᔭᓚᐅᖅᑕᖏᓐᓂᒃ ᖃᐅᔨᒪᔭᐅᔪᒃᓴᓂᒃ ᐊᒻᒪᓗ ᐊᑐᖅᑕᐅᒋᐊᒃᑲᓐᓂᖁᔭᐅᓂᖏᓐᓄᑦ ᐊᑐᓕᖁᔭᓕᐊᕆᔭᐅᓚᐅᖅᑐᑦ ᑲᒥᓯᓇᐅᔪᓄᑦ ᐃᓱᖃᖅᑎᑦᑎᓂᕐᒥᒃ ᓯᕐᒦᓐᓇᐅᓂᐊᓗᐊᓂᒃ ᑕᕆᐅᕋᓗᖕᒥᒃ, ᐅᓇᑕᕐᕕᐅᓕᖅᑕᐃᓕᒪᑎᑕᐅᓂᖏᓐᓄᑦ, ᐋᕿᐅᒪᑦᑎᐊᖁᔭᐅᓂᖏᓐᓄᑦ ᐊᒻᒪᓗ ᑕᒪᐃᓐᓄᑦ ᐊᖏᕈᑕᐅᓯᒪᔪᓂᒃ ᖃᓄᖅᑑᕈᑎᒃᓴᖃᕐᓂᐊᕐᒪᑕ ᖁᓪᓕᐅᑎᓯᒪᓂᖏᓐᓂᒃ ᓇᖕᒥᓂᖃᕐᕕᐅᓂᖏᑦ ᑲᓇᑕᐅᑉ ᐃᓗᐊᓃᑦᑐᑦ, ᓯᓚᑕᓅᓪᓗ ᓯᕐᒥᐅᓂᓐᓇᓗᖕᓂᒃ, ᑕᕆᐅᕌᓗᖏᓐᓂᒃ ᐅᑭᐅᖅᑕᖅᑐᒥ.

ᐊᑐᓕᖁᔭᖅ 6

ᑲᓇᑕᐅᑉ ᒐᕙᒪᐃᑦ ᐃᒃᐱᒍᓱᑦᑎᐊᕆᐊᖃᖅᑐᑦ ᐱᔪᓐᓇᐅᑎᖃᕐᓂᖏᓐᓂᒃ ᓄᓇᖃᖅᑐᑐᖃᐃᑦ ᐃᓄᖁᑎᖏᓐᓂᒃ, ᑕᐃᒃᑯᐊᓗ ᓇᓗᓇᐃᔭᖅᑕᐅᓯᒪᑦᑎᐊᖅᑐᑦ ᖃᐅᔨᒪᔭᐅᖁᔭᐅᔪᑦ ᓄᓇᕐᔪᐊᑉ ᑲᑐᔾᔨᖃᑎᒌᒡᔪᐊᖏᓐᓄᑦ ᑕᐱᕇᖕᓄᑦ ᐃᓕᑕᕆᔭᐅᑎᑕᐅᓯᒪᔪᑦ ᐱᔪᓐᓇᐅᑎᖃᕐᕕᐅᓂᖏᑦ ᓄᓇᖃᖅᑐᑐᖃᐅᔪᓄᑦ ᐃᓄᖁᑎᒋᔭᐅᔪᓄᑦ ᐊᖀᖃᑎᒌᐊᖃᓕᕈᑎᒃ ᓄᓇᖃᕐᓂᖅᓴᐅᔪᖃᕐᓂᕐᒧᑦ ᐊᐃᕙᐅᑕᐅᔪᑦ, ᐊᑐᖅᑕᐅᔭᕆᐊᖃᕐᓂᖏᓄᓪᓗ ᑕᐱᕇᒃᑐᑦ ᓄᓇᓕᒡᔪᐊᑦ ᑲᑎᒪᐅᑎᒋᓯᒪᔭᖏᑦ ᒪᓕᒐᓕᐊᑦ ᑕᕆᐅᕐᓄᑦ.

ᐊᑐᓕᖁᔭᖅ 7

ᑲᓇᑕᐅᑉ ᒐᕙᒪᐃᑦ ᑮᓇᐅᔭᓂᒃᓯᒪᔭᕆᐊᖃᖅᑐᑦ ᐱᑕᖃᐃᓐᓇᕐᓂᐊᖅᑐᓂᒃ ᐊᑯᓂᐅᓂᐊᖅᑐᒧᑦ ᑲᓇᑕᒥᐅᓄᑦ ᐃᓚᒋᔭᐅᓐᓇᕐᓂᐊᖅᑐᓄᑦ ᑲᑎᒪᔨᐅᖃᑕᐅᓂᕐᒧᑦ ᐅᑭᐅᖅᑕᖅᑐᒥ ᑲᑎᒪᔨᕐᔪᐊᖏᓐᓂ.

ᐊᑐᓕᖁᔭᖅ 8

ᓯᕗᓂᒃᓴᐅᓂᐊᕐᒥᔪᒥ ᑲᓇᑕᐅᑉ ᒐᕙᒪᐃᑦ ᐃᒃᓯᕙᐅᑕᐅᓕᕐᒥᒍᑎᒃ ᐅᑭᐅᖅᑕᖅᑐᒧᑦ ᑲᑎᒪᔨᕐᔪᐊᕐᓄᑦ, ᐃᓚᖃᕐᓗᑎᒃ ᓴᕿᑎᑦᑎᓂᖏᓐᓂᒃ ᐱᓕᕆᐊᒃᓴᕆᓂᐊᖅᑕᖏᓐᓂᒃ ᓯᕗᓪᓕᐅᑎᓐᓂᐊᖅᑕᖏᓐᓂᒡᓗ ᒪᕐᕈᖕᓄᑦ ᐊᕐᕌᒍᓂᐊᖅᑑᖕᓄᑦ, ᐃᓚᒋᓗᓂᒋᑦ ᑲᓇᑕᒥᐅᑕᐃᑦ ᐃᓚᒋᔭᐅᖏᓐᓇᕐᓂᐊᖅᑐᑦ ᑲᑎᒪᔨᐅᖃᑕᐅᓂᕐᒧᑦ.

ᓯᓚᐅᑉ ᐊᓯᔾᔨᖅᐸᓪᓕᐊᓂᖓ, ᖃᐅᔨᓴᕈᑎᑦ ᐊᒻᒪᓗ ᖃᐅᔨᒪᔭᐅᓂᖏᒃ

ᐊᑐᓕᖁᔭᖅ 22

ᑲᓇᑕᐅᑉ ᒐᕙᒪᐃᑦ ᐅᔾᔨᖅᑐᑦᑎᐊᕆᐊᖃᖅᐳᑦ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ ᐅᓗᕆᐊᓇᕈᑕᐅᔪᓐᓇᖅᑐᑦ ᐃᓱᒪᒃᓴᖅᓯᐅᕈᑕᐅᔭᕆᐊᖃᕐᓂᖏᓐᓂᒃ ᑕᒪᐃᓐᓄᑦ ᑲᓇᑕᒧᑦ ᐃᑲᔪᖅᓱᖅᑕᐅᔪᓂᒃ ᐱᖁᑎᕐᔪᐊᒃᓴᓂᒃᑕᐅᓂᐊᖅᑐᓂᒃ ᐅᑭᐅᖅᑕᖅᑐᒥ.

ᐊᑐᓕᖁᔭᖅ 25

ᑲᓇᑕᐅᑉ ᒐᕙᒪᐃᑦ ᐅᔾᔨᖅᑐᑦᑎᐊᕆᐊᖃᖅᑐᑦ ᑕᒪᒃᑯᐊ ᖃᐅᔨᓴᖅᑎᑦ ᑎᒥᖁᑎᖏᑦ ᐊᐅᓚᑦᑎᕕᖏᓃᑦᑐᑦ ᐃᓚᐅᑎᑦᑎᖃᑦᑕᕆᐊᖃᕐᓂᖏᓐᓂᒃ ᑐᑭᓕᐅᖃᑎᒌᓗᓂᒋᑦ ᑐᑭᓯᓂᐊᕐᕕᐅᖃᑕᕐᓂᖏᑦ ᓄᓇᖃᖅᑐᑐᖃᐃᑦ ᓄᓇᓖᒃ ᐊᓯᖏᓂᒡᓗ ᐃᓄᖕᓂᒃ ᓄᓇᖃᖃᑕᐅᔪᓂᒃ ᐱᓕᕆᕙᒃᑐᓂᒡᓗ ᐅᑭᐅᖅᑕᖅᑐᒥ, ᑕᐃᒪᓐᓇ ᐅᔾᔨᖅᓱᑦᑎᐊᕐᓂᐊᕐᒪᑕ ᑲᓇᑕᐅᑉ ᐅᑭᐅᖅᑕᖅᑐᓂᕆᔭᖓᓂ ᖃᐅᔨᓴᖅᑕᐅᔪᒪᔪᑦ ᒪᓕᑎᐊᕈᓐᓇᕐᓂᐊᕐᒪᑕ ᓯᕗᓪᓕᐅᖁᔭᐅᔪᓂᒃ ᑕᒪᒃᑯᓄᖓ ᐃᓄᖕᓄᑦ ᐊᒻᒪᓗ ᐃᓱᒪᒋᔭᐅᓂᖏᓐᓄᒃ ᑕᒪᒃᑯᓄᖓ ᐃᓄᖕᓄᑦ.  

ᐊᑐᓕᖁᔭᖅ 26

ᑲᓇᑕᐅᑉ ᒐᕙᒪᐃᑦ ᐃᑲᔪᖅᓱᐃᔭᕆᐊᖃᖅᑐᑦ ᓄᓇᖃᖅᑐᑐᖃᐅᔪᓄᑦ ᐱᒋᐊᖅᑎᑕᐅᔪᓂᒃ ᐱᓕᕆᐊᒃᓴᓂᒃ ᑲᑎᖅᓱᐃᕕᐅᔪᓂᒃ, ᑎᑎᕋᖅᑕᐅᕙᓪᓕᐊᓂᖏᓐᓂᒃ ᐊᒻᒪᓗ ᑐᑭᓯᓂᐊᕈᑕᐅᓂᖏᓐᓂᒃ ᓄᓇᖃᖅᑐᑐᖃᐃᑦ ᖃᐅᔨᒪᔭᑐᖃᖏᓐᓂᒃ ᐱᔾᔪᑎᖃᖅᑐᓂᒃ ᐅᑭᐅᖅᑕᖅᑑᕐᓂᕐᒥᒃ, ᐃᓚᒋᔭᐅᓗᑎᒃ ᐋᕿᐅᒪᓂᕆᓂᐊᖅᑕᖏᓐᓂᒃ, ᐸᕐᓇᐅᓯᕆᔭᖏᓐᓂᒃ ᐊᒻᒪᓗ ᐊᑐᓕᕐᓂᖏᓐᓂᒃ ᐅᑭᐅᖅᑕᖅᑐᒥ ᖃᐅᔨᓴᕐᓂᐅᓂᐊᖅᑐᓂᒃ.

ᐊᑐᓕᖁᔭᖅ 27

ᑲᓇᑕᐅᑉ ᒐᕙᒪᐃᑦ ᐱᓕᕆᔭᕆᐊᖃᖅᑐᑦ ᓴᕿᑎᑦᑎᔪᓐᓇᕐᓂᕐᒧᑦ ᑲᓇᑕᒥᐅᑕᓂᒃ ᐅᑭᐅᖅᑕᖅᑐᖅᐸᓯᐅᑉ ᓂᒋᖔᖓᓂᒃ ᓄᓇᕐᔪᐊᑉ ᐊᑦᑎᒃᑑᓂᖓᓂᒃ ᖃᐅᔨᓴᑎᒃᓴᐅᔪᓐᓇᖅᑐᓂᒃ ᐊᑐᕐᓗᑎᒃ ᐅᑭᐅᖅᑕᖅᑑᓂᕐᒥᒃ ᖃᐅᔨᒪᔨᖏᓐᓂᒃ ᑲᓇᑕᒥ, ᐱᔪᓐᓇᖅᓯᓂᐊᕐᒪᑕ ᐱᒻᒪᕆᐅᔪᓂᒃ ᖃᐅᔨᓴᖃᑕᐅᔪᓐᓇᕐᓂᕐᒥᒃ ᑕᐅᕙᓂ.

ᑐᒃᓯᕋᐅᑏᑦ ᒐᕙᒪᒃᑯᓐᓄᑦ ᑭᐅᔭᐅᖁᔨᓂᖅ

ᒪᓕᒃᑕᐅᓪᓗᑎᒃ ᑕᐃᒪᖓᑦ ᒪᓕᒐᐃᑦ ᐱᐅᓯᕆᔭᐅᔭᐊᖃᖅᑐᑦ ᒪᓕᒐᓕᐅᕐᕕᒡᔪᐊᕐᒥ ᓈᓴᐅᑎᓕᒃ 109, ᑲᑎᒪᔨᕋᓛᑦ ᑐᒃᓯᕋᖅᓯᒪᔪᑦ ᒐᕙᒪᒃᑯᓐᓂᒃ ᓴᕿᑎᑦᑕᐅᖁᔨᓂᖅ ᑕᒪᒃᑭᑦᑎᐊᖅᑐᓂᒃ ᑭᐅᔾᔪᑎᒃᓴᓂᒃ ᑖᒃᑯᓄᖓ ᐅᓂᒃᑲᓕᐊᖑᓯᒪᔪᓄᑦ.

ᐊᔾᔨᖏᑦ ᐊᑑᑎᖃᖅᑐᑦ ᑕᒪᑐᒧᖓ ᑲᑎᒪᔾᔪᕕᓂᖏᓐᓂᒃ (ᑲᑎᒪᓂᖏᓐᓂ ᓈᓴᐅᑎᓕᖕᓂ. 103, 105, 107, 109, 111, 116, 123, 132) ᓴᕿᑎᑕᐅᔪᑦ.

ᐃᒃᐱᒍᓱᑦᓯᐊᕋᓱᐊᕐᓂᕐᒧᑦ ᑐᓂᔭᐅᓪᓗᑎᒃ

ᒪᐃᑯᓪ ᓕᐊᕕᑦ